Rannsókn
Finnið að lágmarki 15 manns og látið hvern og einn endurtaka orðið „
tamjan“ og telja um leið: „
tamjan einn“, „
tamjan tveir“, „
tamjan þrír“... upp í „
tamjan tuttugu“.
Hver og einn hefur sitt hlutverk.
Einn hópmeðlimur stýrir framkvæmdinni, útskýrir fyrir viðfangsefninu hvað á að gera og gætir þess að allt fari rétt fram.
Annar sér um að taka tímann sem það tekur að telja upp í „tamjan tuttugu“.
Þriðji sér um að fylgjast nákvæmlega með því hvort viðfangsefnið segi „tamjan“ allan tímann eða hvort orðið breytist í „temjan“ á einhverjum tímapunkti. Athuga þarf sérstaklega hvort þeir sem skipti yfir í „temjan“ haldi sig við það eftirleiðis eða hvort þeir skipti aftur í „tamjan“.
Gerið
skýrslu þar sem þið notið númer í staðinn fyrir nöfn þátttakenda og skráið eftirfarandi upplýsingar:
Nr. þátttakanda,
tími (í sek),
( ) hélt sig við „tamjan“ allan tímann,
( ) skipti yfir í „temjan“ en fór aftur í „tamjan“
( ) skipti yfir í „temjan“ og hélt sig við það.
( ) skipti yfir í eitthvað annað. Hvað?
Gerið líka
samantekt fremst í skýrsluna þar sem fram kemur:
Hlutfallslegur fjöldi þeirra sem héldu sig við „tamjan“ allan tímann og hinna sem skiptu yfir í „temjan“ (í prósentum).
Meðaltími þeirra sem héldu sig við „tamjan“ og hinna sem skiptu yfir í „temjan“.
Niðurstöður ykkar. Hvaða ályktanir má draga af muninum, ef einhver er.
Veggspjald / rafrænt spjald
Búið til rafrænt eða pappír veggspjald sem sýnir þær hljóðbreytingar sem verða í i- og u-hljóðvarpi. Markmið verkefnisins er að þið hannið fallegt og nytsamlegt spjald/mynd sem sýnir hljóðvörpin á skýran og einfaldan hátt.
(æfing1:kyn)(æfing2:kyn)
